Karstdagen in de kolonie
Sommige dingen went nooit. Nou, die dagen van 39 minuten langer as op eerde, dat is het probleem niet. Een jaor is flink langer. Haoste 687 dagen. Het komp er dan ok op neer dat we tweimaol in ’t jaor karstdagen hebt.
Prettige dagen, een kerstgroet uit de kolonie. Foto: Fotobewerking Albert Metselaar
Oonze Jeudse buren richt hèur op de tieden en de kalender van Jeruzalem. Wij holt thuus in alles die van de eerde an. Veier jaor eledene bint wij hier an ekomen. Ik mus wel wennen an de zwaortekracht. Hier wèeg ik tegen de 38 kilo. Mooi man. Ik kan lopen as de beste. Laank, laank eledene, wol mien veurvaar de Cascaderun doen. Dat kwaamp der nooit van. Noe löp iederiene die ofstaand hier.
